中環soho 武士主題日式串燒bar

全白色嘅門面，係以日本武士為主題既一間日式串燒bar，入到去係比較昏暗，好有氣氛嘅用餐環境，有各種唔同款式嘅串燒、佐酒小食、海鮮主食、天婦羅等。可以經中環扶手電梯到餐廳 🌟安藝虎 土佐錦 無濾過純米吟醸 300ml $338 鐘意飲嘢可以飲住sake食串燒，呢款sake會比較偏向甜，冇咁辛口更易入口 🌟廚師沙律 $88 沙律有青瓜、蕃茄仔、沙律菜等，酸酸甜甜好開胃 🌟自家製免治雞肉軟骨 $48 🌟荔枝豬肉卷 $32 🌟免治牛肉棒 $58 🌟紐西蘭羊架 $88 🌟紫菜芝士年糕 $42 呢到有唔同款式既串燒，同尖沙咀既部份款式係一樣，除咗雞肉軟骨仲有牛肉棒，兩款都配咗日本玉子。荔枝豬肉咸甜咸甜，羊架都幾食 🌟蘆筍豬肉卷 $38 🌟芥末燒牛小排串 $68 蘆筍豬肉幾夾，蘆筍唔會老有渣。芥末燒牛小排燒得干咗少少，配芥末都幾好食 🌟厚切牛脷芯 $78 好好食既燒牛脷芯，厚切食落更有口感，爽彈唔靭，調味都啱啱好 🌟南非鮑魚 $118 一隻鮑魚切開串住，黎到之後店員會點火，賣相都幾靚，咬落幾爽彈 🌟鰻魚脆脆 $98 幾得意嘅一款天婦羅，將鰻魚切開一條條沾上脆脆攞去炸，食落好酥脆，外面加咗啲調味，食完之後個嘴有少少麻 🌟牛湯烏冬 $78 🌟迷你明太子伴玉子蓋飯 $88 食完串燒都可以試下主食，呢到既主食份量都唔算好多，細細碗既牛湯烏冬，用咗牛湯湯底，烏冬扁身有咬口，有2件牛脷同啲蔥絲。玉子蓋飯都係差唔多大細，表面有啲明太子，玉子唔會過熟，醬汁帶甜味，都唔錯 🌟日本原隻水果雪葩 $98 今日有4種口味，我地要咗菠蘿，係原隻菠蘿咁上，係好細隻嗰款菠蘿，雪葩酸酸地，消油膩感一流。 📍KATANA by SAKEH (中環) @katana_yakitori 中環士丹頓街8號地舖 #熱門菜式